حبيبي بس لو تسمح شويه= وش اللي غير الأحوال قلي
بالأول كنت ما ترضى عليه= وأشوفك صرت تتلذذ بذلي
عطيتك صفوة احساسي عطيه=عطيتك كل عشقي وكل كلي
وفوق العشق لك روحي هديه=هجرت الخلق وانته صرت خلي
بلا ذنب اقترفته أو خطيه=تغير حالك وحل التغلي
ابي منك السبب واصل القضيه= ولابه مشكله ماهي تحل
دخليك قول دام النفس حيه= قبل ما قلبي النازف يولي
واصير بحكمك القاسي ضحيه=وش أحكي لك عن احساسي وأخلي
دموعي صارت بهجرك هميه=ولابه عقب عينك لي مسلي
وروحي أصبحت دونك شقيه=فديتك ارحم ادموعٍ تهلي
أفكر فيك دايم وش بديه=إذا تطري وحتى يوم أصلي
تعوذ .. لكن الروح الرزيه= دواها أنت ياللي أنت ياللي
تنادي حضرتك كود الحميه = تحرك فيك حسٍّ ما يملِّ
وترجع وسط قلبٍ إنت ضيه=كفايه يالغضي اللي حصل لي
تبيني؟! .. ما تبيني ؟!.. قول ليه=ما عاد اقوى على ناري وغلي
صبرت ووسط قلبي ألف كيه=وصالي الشوق تل القلب تلِّ
على السامر ولحن السمسميه=باغني لك وأرحب بك وأهلّي
ونرخي ستار أسخف مسرحيه=وترجع مثل الأول زي ظلي
الإهداءات
لو تسمح شويه ....!!
.. ~¤§ لـو تسمـح شـويـه §¤~..
قااهرتهم
